Politika -
Bilera sorta
ETAren amaieran oroimena kontuan izatea eskatu dute biktimek
Halaber, zigorrik gabekoa ez izatea eskatu dute, eta "memoria kolektibo" bat ezartzea bakean oinarritutako bizikidetzan laguntzeko.
Erredakzioa
Terrorismoaren Biktimen parte hartzerako euskal kontseiluak astelehen honetan ETAren amaiera "oroimenarekin eta zigorgabetasunik gabe" egiteko eskatu du, eta pertsona horientzat iraina izan litekeen edozein ekitaldi kentzeko gaineratu dute, besteak beste, ETAko kideei omenaldiak.
Patxi Lopez lehendakaria gaur bildu da batzordeko ordezkariekin, ETAk jarduera armatua amaitu zuela iragarri zuenetik hasitako bileren artean, egoera berria aztertzeko.
Bilera bukatzean, Jose Luis de la Costa presidenteak agiri bat irakurri du. "Jarduera terroristaren bukaera beranduegi" heldu dela esan du, batez ere biktimentzat eta "bahiketak, xantaia eta mehatxuak pairatu dituztenentzat".
Horrez gain, "benetako justizia" izateko eskubidea, biktimen onarpen publikoa eta horien intimitatea babesteko erakundeen konpromisoa eskatu ditu.
Halaber, ETAren amaiera zigorrik gabekoa ez izatea eskatu dute, eta "memoria kolektibo" bat ezartzea bakean oinarritutako bizikidetzan laguntzeko.
Lehendakariaren bildutako biktimen ordezkarien artean honako hauek izan dira: Txema Urkijo (Terrorismoaren Biktimen Arretarako zuzendaritza), Silvia Velasco (Euskal Herriko Terrorismoaren Biktimen Elkartea), Milagros Garcia (Fernando Buesa Fundazioa) eta Isabel Urkijo (Bakearen aldeko Koordinakundea).
Lehendakaria Jose Luis Rodriguez Zapatero Espainiako presidentearekin ere bildu da gaur. Bigarren aldia da Espainiako presidente batek Ajuria Enea bisitatzen duela.
Patxi Lopezek esan du biktimak bizikidetzaren erreferentzia morala izango direla
Bileran, Eusko Jaurlaritzak terrorismoaren biktimen memoria babesteko konpromisoa adierazi du Patxi Lopezek, eta bizikidetzaren erreferentzia morala izango direla gaineratu du.
Lehendakariaren hitzetan, "terrorismoaren porrota, besteak beste, beldurrari aurre egiteko herritar askok izan duten hiritar adoreagatik izan da. Horietatik guztietatik biktimak herritarren erresistentziaren adibiderik garbiena dira, euren bizitza emanda besteen askatasun eta ohoreagatik".