Otegi eta Iriarteren adierazpenek egoera "gaiztotu" dute, ESAN sindikatuaren ustez

Iñaki Uraga Ertzaintzaren ESAN sindikatuko ordezkariak nabarmendu du Ondarroan duela aste batzuk izandako istiluetan dutela jatorria azkenaldian hainbat agentek jasan dituzten erasoek.

Gazte talde bat kale edanean ibili zen orduan, eta egun bat geroago prentsaurrekoa deitu zuten Euskadiko kaleak haienak direla eta ertzainak eta udaltzainak horietatik botako dituztela iragartzeko.

ESAN sindikatuko ordezkariak, baina, argi utzi du gazte horiek ez dutela inolaz ere helburu hori lortuko.

Uragaren arabera, "gazte gutxi horien ideia politikoak agerikoak dira, babesa ematen dioten sigla jakin batzuei lotuta daudelako".

Ildo horretan, Maddalen Iriartek eta Arnaldo Otegik Euskadiko eredu poliziala zalantzan jarriz egindako adierazpenak ekarri ditu gogora: "Haien hitzek ez dute ezertan laguntzen. Egoera gaiztotzen ari dira, alde bakarra ikusten dutelako eta beti berdinen alde agertzen direlako".

Bukatzeko, pandemia gelditzeko ezarritako neurriak betetzen ari den euskal gazteen gehiengoari eskerrak emanez bukatu du elkarrizketa Iñaki Uragak.