Politika -
Kataluniako Gobernukide bati
Urdangarinek laguntzak eskatu zizkion ERCko kontseilari bati
Palmako Dukea Josep Bargallo Kataluniako Gobernuko kontseilariarekin bildu zen 2005ean, kirol ekitaldirako lankidetza ekonomikoa eskatzeko. Bargallok argitu duenez, "hasieratik ezetz esan genion".
Erredakzioa
Iñaki Urdangarin Palmako Dukea Josep Bargallo Esquerra Republicanako Kataluniako Gobernuaren kontseilariarekin bildu zen 2005ean, Noos Institutuaren bitartez, kirol ekitaldien antolakuntzarako diru-laguntzak eskatzeko asmoz. Bargallok Twitterren zabaldu duenez, Urdangarini "hasieratik ezetz esan genion".
Noos Institutuaren presidenteak momentu hartan 300.000 euro eskatu zituen baina Kataluniako Gobernuak ezetza eman zion Erre Etxearekin lotutako proiektu baten partehartzea "argi" ikusten ez zuelako, Cadena Ser kateak jakinarazi duenez.
Kontseilari honek Dukearen proposamena errefusatu zuen, honen esanetan, Generalitatek ez baitu kirol munduarekin zerikusirik ez duen institutuekin lan egiten bakarrik kirol federazioekin eta taldeekin. Bestalde, Twitterren Bargallok azaldu duenez, "hasiera batetik ezetz esan genion".
