Itxi

2012/01/07

11:36

Politika

Radio Euskadiko elkarrizketa

PSE: 'Manifestazioa kaltegarria da elkarbizitza politikorako'

Erredakzioa

Laura Garrido PPko legebiltzarkideak "agertoki berri batean gaudela" onartu du, baino "ETAk aktibo" jarraitzen duela gogoratu du.

  • Txarli Prieto, Arabako PSE-EEko idazkari nagusia. Argazkia: EITB

    Txarli Prieto, Arabako PSE-EEko idazkari nagusia. Argazkia: EITB

  • Whatsapp
  • Whatsapp
  • Telegram
  • Bidali

Arratsaldean egingo den "Bilboko manifestazioa bezalako martxak" kaltegarriak dira "elkarbizitza, birgizarteratze eta tolerantzia politika baterako", adierazi du Txarli Prieto Arabako PSE-EEko idazkari nagusiak. Gainera, batzuentzat lehentasuna "elkarbizitza finkatzea" den bitartean, beste batzuentzat "amnistiaren antzeko zerbait eskatzeko martxa kolektiboak egitea" dela esan du.

Radio Euskadin egin ditu Prietok adierazpen hauek eta aro berri honen gakoak "ETAri behin betiko desagertzeko" eskatzea dela berretsi du, "oraindik zintzilik dagoelako".

Zentzu honetan, ETAk berriz ere "agertoki politikoan" atera nahi duela esan du, presoei barkamena ez eskatzeko esanez.

Bestalde, Ricardo Gatzagaetxeberria EAJko legebiltzarkideak esan du Bilboko manifestazioa, ezker abertzaleak urtero egiten duena dela eta "naturaltasunez" ikusi behar dela adierazi du. Egoera politiko ezberdin batean gaudela gogoratu du eta ezker abertzaleak pauso garrantzitsuak eman beharko lituzkeela gaineratu du, baita kartzela politikak oinarrizko eskubideak errespetatu beharko lituzkeela ere.

Gobernu "popularrak" legea beteko duela esan du Laura Garrido PPko legebiltzarkideak, eta "agertoki berri batean gaudela" onartu duen arren, "ETAk aktibo" jarraitzen duela gogoratu du eta "ezker abertzaleko askok ez dute indarkeria gaitzetsi", gaineratu du.

Horren ustez, larunbat honetako manifestazioa "betikoa da" eta aldarrikapenak "betikoak dira". "Presoak presoak dira, nahiz eta betikoentzat heroiak direla ematen duen. Kartzela politika banaka ezarriko da eta amnistia ez da inolaz ere emango", gaineratu du.

Dani Maeztu Aralarreko legebiltzarkidearen hitzetan, "aro berri bat bizi dugu".  "Borroka armatua zegoen bitartean kartzela politika era zehatz batean" erabiltzen zela esan du, izan ere "Estatuko ordezkariek beraiek bertan esaten dutenez, politika zapaltzaile gisa erabili izan da".

"Aro berri batean bagaude, gai honetan aurrerapausoak ere eman behar dira, eta ez soilik legediak egun esaten duenarekin; zigorren hiru laurdenak bete dituztenak edo gaixo dauden presoak kaleratzea ahalbidetuz ere bai. Zentzu honetan, gizarte mobilizazioa beharrezkoa da", adierazi du.

  • Hau zure interesekoa bada, baliteke beste gai hauek ere izatea:
  • Bisitatuena

      Kargatzen ikusiena
      Kargatzen ikusiena
    ;