Chacon: 'Nahasketa baino PSOEn dagoena askatasuna eta demokrazia da'

Carme Chacon PSOEko Idazkaritza Nagusirako hautagaiak "beldurra ez izateko" eta "alderdiaren leihoak irekitzeko" deia egin du igande honetan eta Batzorde Federalean abian jarriko duten prozesua defendatu du, "nahasketa edo zatiketa baino, askatasunaren eta demokraziaren adierazgarriak" direlako.

Azken hauteskundeetan izandako emaitza txarrengatik bakoitzaren burua zigortu baino, "beldurra ez izatea" defendatu du Chaconek. "PSOEk ez ekitearen beldur bakarrik izan behar da eta ez gauzak esaten ari diguten hainbeste lagunei erantzuna ematearen beldur izan", esan du. "Erantzukizunez hartutako aldaketa bat izan behar da, baina aldaketa bat izan behar da, jendea guru begira dagoelako", adierazi du.

Chaconek azpimarratu duenez, "ez dut inoiz Alfredo Perez Rubalcabaren gainean hitz desegoki bat ere esango, akatsik gabeko ibilbidea duelako". "Idazkari nagusia aukeratzen banaute, Rubalcaba alderdiaren zuzendaritzan izango da", iragarri du.

Rubalcaba, 'batzorde txikiekin' "pozik"

Alfredo Perez Rubalcaba PSOEko Idazkaritza Nagusirako beste hautagaia "pozik" azaldu da probintzietan izan diren 'batzorde txikiekin', "ez baita Carme eta Alfredoren arteko Batzorde bat, kideen artekoa baizik".

"Asteburu honetan milaka sozialista lanean izan dira, otsaileko batzordea eta gero herritarrei aurkeztuko diegun proiektu politikoaren gainean eztabaidatzen eta horrek pozten nau", azpimarratu du.

"Sevillan ez bozkatu inoren aurka", aholkatu du, "hobe alderdiaren alde bozkatzea". "Hau zer nolako proiektua nahi duten eztabaidatzen egon diren alderdikideen batzorde bat izan da, azkenean PSOE nork gidatzen duen aurkeratuko dutenak", gaineratu du.