Politika -
Eskoziako erreferenduma
Ezker abertzalea: 'Eskoziak Europako mapa alda daitekeela erakutsi du'
Independentzia "Europako koordenatu politikoetan aurreikusten den aukera" bat dela esan du ezker abertzaleak eta Erresuma Batuaren eredua jarraitzeko eskatu die Espainiari eta Frantziari.
Erredakzioa
Eskoziaren ereduak "Europako mapa alda daitekeela erakutsi du", ezker abertzalearen ustez, "egungo Europak aurreikusten duen aukera baita".
Maribi Ugarteburu bozeramaileak ohar baten bidez esan duenez, "Espainiako Estatuak nahi ala ez, Eskoziako independentzia era demokratiko batean egingo da, referendum bitartez".
Zentzu honetan, Espainiari eta Frantziari Erresuma Batuko eredua jarraitzeko eta "nazioarteko mailan" aintzat hartzen den "erabaki askearen eskubidea onartzeko" eskatu diete.
Bestalde, "The Independent" egunkari britainiarrak argitaratutako artikulu bati buruz ere mintzatu da ezker abertzalea; izan ere, bertan esandakoaren arabera, Eskozia Europar Batasunean sartzeari betoa jarriko lioke Espainiak. Erabaki horrek Espainiak "demokraziari" dion "beldurra" erakusten du, alderdi horren iritzian.
Jose Manuel García-Margallo Atzerri ministroak, ordea, gezurtatu egin du egunkari horrek kaleratutako informazioa, eta Erresuma Batuko Gobernuari ez diola "ezinegonik" helarazi esan du.
Eskoziaren ereduak "Europako mapa alda daitekeela erakutsi du", ezker abertzalearen ustez, "egungo Europak aurreikusten duen aukera baita".Maribi Ugarteburu bozeramaileak ohar baten bidez esan duenez, "Espainiako Estatuak nahi ala ez, Eskoziako independentzia era demokratiko batean egingo da, referendum bitartez".Zentzu honetan, Espainiari eta Frantziari Erresuma Batuko eredua jarraitzeko eta "nazioarteko mailan" aintzat hartzen den "erabaki askearen eskubidea onartzeko" eskatu diete.Bestalde, "The Independent" egunkari britainiarrak argitaratutako artikulu bati buruz ere mintzatu da ezker abertzalea; izan ere, bertan esandakoaren arabera, Eskozia Europar Batasunean sartzeari betoa jarriko lioke Espainiak. Erabaki horrek Espainiak "demokraziari" dion "beldurra" erakusten du, alderdi horren iritzian. Jose Manuel García-Margallo Atzerri ministroak, ordea, gezurtatu egin du egunkari horrek kaleratutako informazioa, eta Erresuma Batuko Gobernuari ez diola "ezinegonik" helarazi esan du.
