Itxi

2021/07/30

14:31

Politika

Katalunia

Europako Parlamentuak immunitatea kendu die Puigdemont, Comin eta Ponsatiri

Agentziak | EITB MEDIA

Auzitegiak atzera bota du ekainaren 2an hartu zuen behin-behineko erabakia, immunitate parlamentarioa aldi baterako emateko, hiru eurodiputatuek aurkeztutako helegiteari buruz ebatzi arte.

  • Puigdemont

    Puigdemont. Artxiboko argazkia: EFE.

  • Whatsapp
  • Whatsapp
  • Telegram
  • Bidali

Europar Batasuneko Auzitegi Nagusiak immunitatea kendu die Carles Puigdemont Kataluniako presidente ohiari eta Toni Comin eta Clara Ponsati JxCATeko beste bi diputatuei.

Ostiral honetan emandako autoan, auzitegiak baliogabetu egin du ekainaren 2an immunitate parlamentarioa aldi baterako emateko hartu zuen behin-behineko erabakia, harik eta hiru eurodiputatuek Europako Parlamentuaren erabakiaren aurka aurkeztu zuten errekurtsoari buruz ebatzi arte.

Horrela, epaileek atzera bota dute hiru eurodiputatuek maiatzaren 26an aurkeztutako behin-behineko neurriak. Puigdemontek eta bi kontseilari ohiek erregutzearen onarpena bertan behera uzteko eskatu zuten, "edozein estatu kideri eta Erresuma Batuari haiek atxilotzeko edo haien joan-etorriak murrizteko eta Espainiako agintarien esku uzteko" aukera ematen zielako.

Gaur eman duen epaian, Europar Batasunak uste du Kataluniako presidente ohiak eta kontseilari ohiek ez dutela frogatu "berehalako atxiloketa" izan daitekeenik, hainbat faktore izan behar direlako.

Hain zuzen ere, Auzitegiak argudiatu duenez, "Parlamentura egiten dituzten joan-etorrietan edo Parlamentutik itzultzen direnean diputatuak babesten dituen immunitateak bere horretan jarraitzen du" eta, ondorioz, "bileretara joan daitezke".

Nolanahi ere, Europar Batasunak gogorarazi du erabaki hori aldi baterako neurrietara mugatzen dela, eta eurodiputatuek beste demanda bat jar dezaketela.

  • Bisitatuena

      Kargatzen ikusiena
      Kargatzen ikusiena
    ;