81 urteko gizon bat atxilotu dute Bartzelonan, Pere Aragonesi gutun bidez mehatxu egitea egotzita

Esquadra Mossoek 81 urteko gizon bat atxilotu dute ostegun honetan Manresan (Bartzelona), Pere Aragones Generalitateko presidenteari eta beste buruzagi independentista batzuei hainbat gutunetan mehatxu egitea leporatuta.

Gainera, atxilotuarenak ziren 11 su-arma atzeman dituzte; lau arma labur eta zazpi luze, lizentzia indarrean zutela.

Kataluniako Gobernuak azaldu duenez, Aragonesi zuzendutako hiru mehatxu-gutun atzeman dituzte Mossoek, Generalitatearen Jauregian jaraitutako ohiko protokoloetan.

Ekainaren 22an, Generalitatearen Jauregian susmoak sortu ziztuzten bi gutun-azalen berri izan zuten. Hain zuzen ere, ordenagailuz idatzitako bi gutun zeuden barruan, Aragonesen aurka eta Kataluniako Gobernuko beste hiru kideren aurka zuzendutako mehatxuekin.

Ekainaren 23an, ikerketa abian zegoela, antzeko edukia zuen hirugarren gutun bat iritsi zen Palaura, eta, gutun horretan, presidenteari soilik zuzentzen zitzaizkion mehatxuak.

Atxilotua aske geratu da deklaratu eta beharrezko polizia-eginbideak egin ostean.