Publizitatea
Itxi

2021/09/04

19:14

Politika

Terrorismoa

Terrorismoa garaitzeko, "iraganetik ikasi" eta etorkizunera begiratzeko deia egin du Chivitek

Agentziak | EITB Media

Nafarroako Gobernuko presidentea Tuteran izan da larunbat honetan, ETAren terrorismoaren biktimen omenez eraikitako oroigarriaren inaugurazio ekitaldian. Bertan, Elkarbizitzarako Plan Estrategikoaz aritu da.

  • Maria Chivite, oroitarriaren inaugurazio ekitaldian

    Maria Chivite, oroitarriaren inaugurazio ekitaldian. Argazkia: EFE

  • Whatsapp
  • Whatsapp
  • Telegram
  • Bidali

Maria Chivitek, Nafarroako Gobernuko presidenteak, "terrorismoa garaitzeko, iraganetik ikasita etorkizunera begiratzeko" beharraz aritu da larunbat honetan. Tuteran izan da, ETAren terrorismoaren biktimen omenez eraikitako monumentuaren inaugurazio ekitaldian.

Bertan, lehenengo Elkarbizitzarako Plan Estrategikoaz aritu da Chivite, plana "berdintasuna, askatasuna, demokrazia eta aniztasunaren" balioetan oinarritu dutela azalduz.

"Pairatutako terrorismoak herri bezala batzeko balio dezala. Etorkizunera begiratu behar dugu, beldurrik gabe eta gorrotorik gabe", erantsi du presidenteak.

Gainera, presoen ongietorriak kritikatu ditu Chivitek, baita "hiltzaileen ekintzak goratzen dituzten" pintadak ere. Hala, espainiar Gobernuko Barne Ministerioari bere konpromisoa agertu dio Foru Gobernuko buruak, "kale eta plazetako indarkeria murriztuko duen legedia" bultzatzeko.

  • Bisitatuena

      Kargatzen ikusiena
      Kargatzen ikusiena
    ;