Politika -
EAJri kritika
Patxi Lopez: 'EAJk adostasunak beharrean, hauteskundeak eskatzen ditu'
"Mugak altxatzea eta burujabetza esklusibo eta baztertzailea" eskatzea historian atzearapausoak ematea dela ohartarazi dio lehendakariak EAJri.
Erredakzioa
Patxi Lopez lehendakaria EAJren erantzunaz kexatu da, izan ere, egindako proposamenen erantzuna "Euskadin adostasunak bilatzea baino, hauteskundeak eskatzea izan da", adierazi du, "Jaurlaritzari eraso egiteko".
Parlamentua desegin eta hauteskundeak deitzeko eskatu zion atzo Urkulluk Ganberan bakegintzan "pausoak" planteatzen baditu eta horren harira mintzatu da gaur lehendakaria Bilbon ez ohiko batzar nazionalean.
"Euskadin adostasuna lortzeko proposamenak mahai gainean jartzen ditudanean, batzuk soilik hauteskundeak eskatzen dakite, eta hemen akordioak bilatzea eskatzen dugunean, hau da, behar den tokian, beste batzuk solik Madrilen itxi nahi dituzte, beste proposamen batzuk proposatuz".
Bestetik, "herrialde hau aldatzen jarraitzeko", Gobernu honekin "legegintzaldi bakarra" ez dela nahikoa esan du, "gure aldaketak oso sakonak direlako, eta denbora gehiego behar dute".
"Herrialdeko lider izaten jarraitzeko, gizarteari bide berri bat" aurkeztuko diola esan du. "Hiru oinarri izango ditu, krisiari aurre egiteko proiektu eta alternatiba sozialdemokrata, herrialde eredua eta askatasuna eta elkarbizitza sendotzea".
"Bide berri hau gaur martxan jartzen dugun eztabaidaren parte izango da eta erkidegoko hauteskundeetarako proposamena zehaztuko duen Batzarrean amaituko da", esan du lehendakariak.
