Politika -

Aurkezpena

Biktimak 'umildu' izanagatik barkamena eskatu du ezker abertzaleak

Ezker abertzaleak "Eraiki dezagun bakea prozesu demokratikoan" izeneko adierazpena aurkeztu du Donostian.

Ezker abertzalearen ekitaldia, Donostian. Argazkia: EITB
Ezker abertzalearen ekitaldia, Donostian. Argazkia: EITB
Ezker abertzaleak bake biderako urratsak aurkeztu ditu

01:26

Erredakzioa

Whatsapp Facebook Twitter Telegram Email

Ezker abertzalea atsekabetuta azaldu da "ETAren indarkeriak sortutako minagatik" eta "alderdiak, bere jarrerarekin, sortu ahal izan duenagatik, biktimek sentitu ahal izan duten irainagatik, baina inolaz ere, ez da asmo txarrarekin egindakoa izan", azaldu dute.

"Eraiki dezagun bakea prozesu demokratikoan" izeneko adierazpena aurkeztu dute Donostiako Kursaal jauregian. Ezker abertzaleak "ETAren indarkeriak sortu duen mina eta sufrimendua" onartu du, "baita Espainiako eta Frantziako estatuek errepresioarekin sortu dutena ere".

Gainera, ezker abertzaleak "egindako adierazpenekin edo ekitaldiekin, ETAren ekintzak sortutako minaren aurrean bihozgabe itxura eman duela" onartu du, eta horren aurrean, "eragin duen asmo txarrik gabeko minagatik" penatu da.

Honen harian, "gatazkaren gordintasunean, biktima batzuekiko adierazi dugun sentsibilitatea beste batzuekin falta izan zaigu", onartu dute. "Argi eta garbi onartzen dugu, eta adierazi nahi dugun zintzotasunarekin onartzea espero dugu".

Egiaren batzordea

Ezker abertzalearentzat, "ezinbestekoa" da gertatutakoaren inguruan hitz egitea eta "egia" azaleratzea. Horregatik, , "izaera independentea eta nazioartekoa" izango duen egiaren batzorde bat eratzea proposatu du. Honek, gatazkan gertatutako gehiegikeri guztiak aztertu beharko lituzke.

Hau zure interesekoa bada, baliteke beste gai hauek ere izatea