Politika -
'Informe Semanal' saioan
ETAko kideei egindako jarraipenen bideoak emitituko ditu TVEk
Javier Garcia Gaztelu eta Lopez Peñaren egunerokotasuna, lehergaien entrega bat basoan edo ihes egindako ETAko kide bat hartzeko unea erakusten dira erreportajean.
Erredakzioa
TVEko 'Informe Semanal' saioak Estatuko segurtasun indarrek ETAko zenbait buruzagiri egindako jarraipenen bideoak emitituko ditu larunbat honetan lehen aldiz.
Javier Garcia Gaztelu, Txapote, eta Lopez Peña, Thierry, ETAko buruzagien egunerokoa edo armak eta lehergaiak entregatzeko unearen irudiak ikus daitezke erreportajean.
Horietako bideo batean, Txapote bere ibilgailua goitik behera aztertzen ageri da, poliziak jarraipenerako balizarik jarri ote dion ala ez egiaztatzeko asmoz.
Beste irudi batean, Thierry eta Campo Barandiaran Gorka Olaitzi harrera egiten azaltzen dira. Olaitzek ihes egin behar izan zuen, UPNko zinegotzi bat hiltzen saiatu ostean.
Guardia Zibilak ETAko zenbait kidek armak eta lehergaiak entregatzen dituzten unea ere grabatu zuen Frantziako baso batean.
