Politika -
Araba
Luis Aldazabal Eltziegoko alkatea hil da
42 urte zituen, eta bihotzekoak jota hil da. Aurreko udal hauteskundeetan, Aldazabal Zieko-Bai alderdi independentearen zerrendaburua izan zen.
I. G. | EITB MEDIA
Luis Aldazabal Eltziegoko alkatea hil da azken orduetan. 42 urte zituen, eta bihotzekoak jota hil da. Aurreko udal hauteskundeetan, Aldazabal Zieko-Bai alderdi independentearen zerrendaburua izan zen.
Ramiro Gonzalez Arabako ahaldun nagusiak sare sozialetan zabaldutako mezu batean Aldazabalen heriotza deitoratu du, "hutsune handia" utzi duela adieraziz.
Era berean, Arabako Batzar Nagusiek atsekabea agertu dute, eta babesa helarazi diete "familiari, lagunei eta Eltziegoko udalerri osoari une gogor hauetan".