Politika -

Sexu-abusuak Elizan

Elizan izandako abusuei buruzko ikerketa-batzordeak lehen urratsa gainditu du Kongresuan

Kongresuko Mahaiak EH Bilduren, Podemosen eta ERCren ekimena onartu du, eta, horrela, Bozeramaileen Batzordeak osoko bilkuran eztabaidatzeko data jarriko du.

Diputatuen Kongresua. Artxiboko argazkia: EFE
Diputatuen Kongresua. Artxiboko argazkia: EFE
Diputatuen Kongresua. Artxiboko argazkia: EFE

AGENTZIAK | EITB MEDIA

Whatsapp Facebook Twitter Telegram Email

Elizaren barruan ustez adingabeei egindako sexu-abusuak ikertzeko batzordeak lehen urratsa gainditu du astearte honetan Kongresuan, PPren eta Voxen aurkako botoarekin: Mahaiak eskaera izapidetzea onartu du, eta, horrela, Bozeramaileen Batzordeak osoko bilkuran eztabaidatzeko data jarriko du.

Unidas Podemosek, ERCk eta EH Bilduk abusuak ikertuko dituen batzorde bat sortzeko proposamena erregistratu zuten. PSOE eta Ciudadanos proiektu hori aztertzeko prest daude, eta PP eta Vox, berriz, aurka daude.

Pablo Casado eta Santiago Abascal buru dituzten alderdiek uste dute Espainiako Gobernuak ezin duela Eliza kontrolatu, eta gai hori Justizia Auzitegietan ebatzi behar dela.

Orain arte 57 sexu-abusu kasu atzeman dira eliza katolikoan Hego Euskal Herrian
Orain arte 57 sexu-abusu kasu atzeman dira eliza katolikoan Hego Euskal Herrian
Orain arte 57 sexu-abusu kasu atzeman dira eliza katolikoan Hego Euskal Herrian

1:41

Datorren astean ez denez osoko bilkurarik egingo, otsailaren 13an hauteskunde autonomikoak egingo dituztelako, Elizako gehiegikeriei buruzko batzordearen eztabaida ez da inola ere otsailaren 17a baino lehen egingo, betiere Bozeramaileen Batzordean gehiengoa badago gai-zerrendan sartzeko. Eta PP eta Vox aurka daudenez, PSOEren jarrera funtsezkoa izango da hor.

Osoko Bilkurara iristen bada, bertan erabakiko da sortzea onartzen den ala ez. Ciudadanos prest dago aldeko botoa emateko, baina EAJk (ez da Kongresuko Mahaiko kidea) aurreratu du nahiago duela Espainiako Gobernuak aditu-talde bat osatzea gai hori aztertzeko, eta, ondoren, bere ondorioak Kongresuan aurkeztea. Unidas Podemosen ustez, proposamen hori eta Ganberak bere ikerketa propioa egitea guztiz bateragarriak dira.

Miguel Hurtadok 54.000 sinadura bildu ditu 24 ordutan, elizako abusuak ikertzeko batzorde bat sortzeko
Miguel Hurtadok 54.000 sinadura bildu ditu 24 ordutan, elizako abusuak ikertzeko batzorde bat sortzeko
Miguel Hurtadok 54.000 sinadura bildu ditu 24 ordutan, elizako abusuak ikertzeko batzorde bat sortzeko

1:54
Hau zure interesekoa bada, baliteke beste gai hauek ere izatea
Diputatuen Kongresua Politika Delituak albisteak Gizartea EH Bildu Sexu-abusuen biktimak gaur Eguneko albisteak Albisteak Haurtzaroa albisteak Sexu erasoak ERC Eliza Katolikoa Podemos Sexu abusuak Elizan