Lehendakaria: 'Ezer esateko ez dutenek erabiltzen dute irain erraza'

Patxi Lopez lehendakariaren esanetan, "arinkeria" eta "iraina" egiteak hori egiten duena "ondo kokatua ez" dagoela eta politikan "zer egin behar den argi ez" duela adierazten du.

Rafaela Romero Gipuzkoako Batzar Nagusietako bozeramaile sozialistak egindako eta bere blogean jarritako elkarrizketa batean, Patxi Lopezek esan du "oso tristeak" direla arinkeriak; izan ere, "ondo kokatua ez egotea eta zer egin ondo ez jakitea" adierazten dute. Eta horren aurrean, "arinkeria, autu-mautuak eta irain erraza erabiltzen da, zer esaterik ez" duelako. "Hori oso tristea da politikan", gaineratu du.

Bestalde, Donostian, Gipuzkoako Merkataritza Ganberak ematen dituen sarien ekitaldian, Basagoiti "oso urduri" dagoela adierazi du Patxi Lopezek "horrelako zerbait esan ahal izateko", izan ere "Nazioarteko Diru Funtsak nik esandako gauza bera adierazi du", esan du. Lehendakariak "herrialdeak behar duenaren inguruan iritzi okerra" izatea egotzi dio.

Bere ustez, EAEko PPko presidenteari "kritika horiek enbarazu egiten badiote, bi gaitz ditu. Batetik, herrialde honek behar duenaren inguruan iritzi okerra du, eta bestetik ez du egoerak merezi duen maila erakutsi".