Xabier Sanchez, Bizkaiko Ezker Anitza-IUko koordinatzaile berria

Ezker Anitza-IUko Bizkaiko Biltzarrak lurraldeko Kontseilu Politiko berria hautatu du gaur eta Xabier Sanchez izango da koordinatzailea.

Alderdiak Santurtzin egin du bilera eta bertan hautatu dute Sanchez Bizkaiko koordinatzaile gisa, "Leioako irakasle gaztea, dagoeneko Ezker Anitzako zuzendaritzaren kide".

Bertan, Mikel Aranak zenbait ekimen politiko iragarri ditu, besteak beste "ospitalean igarotako egun bakoitzeko 5 euro ordaintzearen edo botiken balioa % 100 ordaindu behar izatearen aurka". Bestetik, ohar batean, Ezker Anitza-IUren proposamenengatik Legebiltzarrak onartu dituen hainbat gaiengatik harro azaldu da Mikel Arana.