Macronek Elisabeth Borne izendatu du lehen ministro

Emmanuel Macron Frantziako presidenteak Elisabeth Borne izendatu du lehen ministro. Borne orain arte Lan ministroa izan da, eta Frantziako bigarren kargu garrantzitsuena beteko duen bigarren emakumea izango da.

Chère @Elisabeth_Borne,
Madame la Première ministre,
Écologie, santé, éducation, plein-emploi, renaissance démocratique, Europe et sécurité : ensemble, avec le nouveau gouvernement, nous continuerons d’agir sans relâche pour les Françaises et les Français.

— Emmanuel Macron (@EmmanuelMacron) May 16, 2022

Bornek Ekologia eta Garraio ministerioak zuzendu zituen, Macronen aurreneko agintaldian (2017-2022). Jean Castex kontserbadorearen lekua hartuko du. Espero zen bezala, Castexek dimisioa eman du astelehen honetan, bi urte karguan eman ondoren.

Macronek Marine Le Pen ultraeskuineko hautagaia garaitu zuen apirileko hauteskundeetan, baina 2017ko bozetan baino alde txikiagoarekin. 61 urteko Bornerekin profil sozialagoa eta ekologistagoa eman nahi dio Macronek Gobernuaren buruzagitzari.

Borne Frantziako historian bigarren lehen ministro emakumea izango da, Edith Cressonek Matignonen 11 hilabete bakarrik eman ondoren (1991eko maiatzetik 1992ko apirilera), François Mitterrand sozialistaren bigarren agintaldian.

Castexen eta Borneren arteko botere aldaketa berehala egingo dute.

Azken 22 hilabeteetan egindako lana eskertu dio Macronek Castexi mezu batean: "Frantziaren zerbitzura grinarekin eta konpromisoarekin aritu zara. Batera lortutako emaitzarekin eta lanarekin harro egon gaitezen".

Merci à @JeanCastex, à son gouvernement et à toute son équipe. Durant près de deux ans, il a agi avec passion et engagement au service de la France. Soyons fiers du travail accompli et des résultats obtenus ensemble. pic.twitter.com/AmJ2WkCety

— Emmanuel Macron (@EmmanuelMacron) May 16, 2022