Lehendakaria: 'Ez ditugu Osasunaren behartsuak Euskadin sortuko'

Patxi Lopez lehendakariak zabaldu duenez, Eusko Jaurlaritzak "Osasun publikoa krisiaren" erasoetatik babestea nahi du eta "izaera unibertsala" defendatu. Halaber, Jaurlaritzak ez ditu 'Osasunaren behartsuak sortuko' eta ez du koordainketa aplikatuko.

Patxi Lopezek Bilbon egin ditu adierazpenok, Basurtuko Ospitaleko Iktus Unitate berriaren inaugurazioan Rafael Bengoa Osasun sailburuarekin batera egindako ekitaldi batean.

Lehendakariak onartu du Euskadin ere, Osasunaren esparruan, "murrizketak" era "aurrezteak" egiten ari direla, krisia dela eta, baina baieztatu du Jaurlaritzak "ahalegin handia" egiten duela esparru horretan dirua inbertitzeko asmoz, "uko" egingo ez dion Ongizate Estatuaren "oinarrizko zutabetako" bat delako.

Patxi Lopezen hitzetan, legealdi honetan hirukoiztu da Osasun azpiegituretako inbertsioak eta dauden baliabideen "arrazoizko eta zentsuzko erabilera" egiten ari dira.

"Euskadik berezko eredua dauka eta erakusten ari da eraginkorra dela", gaineratu du lehendakariak. Halaber, Jaurlaritzaren helburua "dirua, nahiz eta gutxi izan, zerbitzu publikoak hobetzen" xahutzea eta krisiari aurre egiteko "beste" modu bat dagoela erakustea dela esan du.