Aizpurua "eskuin muturra geldiaraziko duen ezkerreko gehiengo plurinazional" baten alde azaldu da

Mertxe Aizpurua Diputatuen Kongresuko EH Bildu taldeko bozeramaileak Estatuan "ezkerreko gehiengo plurinazionala" sortzeko deia egin du, "eskuin muturra geldiarazteko" helburuarekin.

Aizpuruak 'Inbestidura bloke aurrerakoi eta plurinazionala eztabaida pean' izeneko hitzaldian parte hartu du larunbat honetan, Valentzian; Joan Tardà ERCko buru eta diputatu ohiarekin eta Pablo Echenique Kongresuko Unidas Podemos taldeko bozeramailearekin batera. Podemosek antolatu du ekitaldia, Fiesta de la Primavera zikloaren barnean.

Koalizio subiranistako buruak ohartarazi duenez, "ezkerreko gehiengo plurinazional sendorik gabe, arriskuan egongo da eskubide eta askatasunen aurrerapena". "Hori bermatzeak eskubideak irabaztea eta ultraeskuina gelditzea ekarriko ditu", baietsi du.