Politika -
Maiatzaren 19an
Herrirak 'presoen giza eskubideen errespetua' eskatuko du
Mobilizazioetan parte hatzeko deialdia luzatu die herritarrei Herrira mugimenduak, gobernuei "mugitzeko" eskatzeko.
Erredakzioa
Herrira mugimenduak 200 ekitaldi antolatu ditu maiatzaren 19rako EAEko, Nafarroako eta Iparraldeko hainbat herritan "presoen giza eskubideen errespetua" eskatzeko.
Donostian egindako prentsaurrekoan, Bea Morales eta Itxaso Torregrosak mobilizazioetan parte hatzeko deialdia luzatu diete herritarrei, gobernuei "mugitzeko" eskatzeko.
Helburua, ETAko presoen "giza eskubideen errespetua" dela adierazi du Moralesek. "Dispertsioaren aroa itxi nahi dugu, ehunka familiak ondorio horiek pairatzeari uzteko".
Ekimenekin "presoei ezartzen zaizkien neurri gogorrak" salatu nahi dituzte, "biziarteko kartzela-zigorrarekin edo gaixo dauden presoak espetxean mantentzearekin amaitzeko". Ildo horretan, "aurrera egin ahal izateko pausoak" eskatu dizkiete gobernuei.
