Auzitegi Nazionalak Goikoetxea eta Cotano absolbitu ditu

Auzitegi Nazionalak Arkaitz Goikoetxea eta Aitor Cotano ETAko ustezko kideak 2007ko azaroaren 11n Getxoko Epaitegian bi lehergailu jartzeko delitutik absolbitu ditu. Nahiz eta Goikoetxearen zantzuak aurkitu lehergailu batean, epaileen ustez akusatuak kontaktu fisikoa izan zuen lehergailuarekin eta azken hori sortu izan zuen, baina ezin da frogatu hura ipini egin zuenik.

Cotano ETAko komando baten (“Hegoak”) kide zen, eta horren arduraduna Arkaitz Goikoetxea zen. Biei Getxoko epaitegietan bi lehergailu jartzea leporatu zieten. Horietako bat sarbidean jarrita zegoen eta bestea paperontzi baten barruan ezkutatuta. Poliziak azaldu zuenez, tranpa bat zen agerian zegoen lehergailua desaktibatzera joango ziren agenteentzat.

Ertzaintzaren bi agente zauritu ziren, horietako bat larri (366 egun behar izan zituen ondo jartzeko), lehergailu batek eztanda egin zuelako eskuetan zuenean.