Lehendakaria:'Justizia lortu behar du kartzela-politikak, ez mendekua'

Patxi Lopez lehendakariak baieztatu duenez, kartzela-politika legearen arabera aplikatu zen eta ETA garaitzen lagundu zuen; halere, gaineratu duenez, ekintza terroristak eten eta gero sortutako garai berrian ere legearen araberakoa izan behar da kartzela-politika eta "justizia, ez mendekua" bilatu behar du.

"Kartzela-politikak elkarbizitza eraikitzen eta beste garai batean terrorista izan dena demokrazian barneratzen lagundu behar du. Aro berri batean gaude eta aukeraren printzipioa existitzen da", gaineratu du lehendakariak.

Patxi Lopezek hitzaldia eman du Bilbon gaur, ostirala, eta bihar egingo den Fiskalen Batasun Progresistaren (UPF) Urteroko XXVI Kongresuan.

Ekitaldi horretan, Maria Moreto UPFren presidenteak Euskadin elkarbizitza baketsu bat sustatzen lagunduko duela helarazi dio lehendakariari; non "mundu guztia integratuta egongo den eta indarkeria erabiltzen dutenak bakarrik baztertuta egingo diren".

Lehendakariak berriz eskatu du guztion askatasuna sendotzeko "egokiena" egiteko eta amorerik "ez emateko" Konstituzioan agertzen den zigortuen birgizarteratzerako ahaleginean, gogoratu duenez.

"Gure lorpenik handiena demokraziak bere baloreak, oinarriak eta arauak onartzen dituena bere baitan hartzea da; demokrazia ez da harresiaz inguratutako hiria", Patxi Lopezen hitzetan. Era berean, terrorismoaren biktimen memoria gogoratu du "egia ez ahazteko".