Politika -
Bilbon
Gazte bat inputatu dute, lehendakariaria iraindu duelakoan
19 urteko gazteari agintari baten kontrako irain-delitua leporatu diote, kalean lehendakaria iraindu duela iritzita.
Erredakzioa
19 urteko gazte bat inputatu dute ostegun honetan Bilbon, kalean lehendakariari irain egin diolakoan, Herrizaingo Sailak jakitera eman duenez. Agintari baten kontrako irain-delitua egotzi diote.
Gertaera 18:15ean izan da, Bilboko Casilda Iturrizar parkean. Lehendakaria Euskalduna Jauregirantz zihoan, PSE-EEren Batzorde Nazionalean parte hartzeko.
Bidean, gazteak Patxi Lopezi ''irain'' egin dio, eta agintari baten kontrako irain-delitua egotzi diote. Bertan ziren beste hainbat pertsona identifikatu dituzte, baina horiei ez diete deliturik leporatu.