Politika -
PSE-EE
Elorza, primarioak galdu ostean: "Borroka batzuei aurre egin behar diegu, suizidak badira ere"
PSOEko diputatuak esan du barne hauteskundeetako porrota gutxieneko gaitza dela: "Koldarkeria morala eta etsipena dira porrotik handienak".
Agentziak | EITB Media
Odon Elorza PSOEko diputatuak nabarmendu duenez, politikan, "borroka batzuei aurre egin behar diegu, suizidak badira ere". Donostiako Alkatetzarako hautagaia aukeratzeko PSE-EEren primarioak galdu ostean egin ditu adierazpenok Elorzak, kazetarien aurrean Donostian egindako agerraldian.
Marisol Garmendiak irabazi ditu barne hauteskundeak, tarte handiarekin irabazi ere (% 66ko babesarekin).
20 urtez Donostiako alkate izandakoak azaldu du barne hauteskundeetan jasotako porrota gutxieneko gaitza dela. "Koldarkeria morala eta etsipena dira porrotik handienak", argudiatu du.
