Politika -
Hauteskundeak
Cristina Ibarrola izango da UPNren Iruñeko alkategaia
Mayak udal politikaren lehen lerroa utziko du. Bi alditan izan da Nafarroako hiriburuko alkate: 2011 eta 2015 artean aurrenekoz, eta 2019 eta 2023 artean bigarrenez.
EITB MEDIA
Iruñeko alkate Enrique Mayak iragarri du ez duela maiatzeko udal hauteskundeetan bere hautagaitza berriro aurkeztuko. Prentsaurrekoan eman du albistea, UPNren Iruñeko alkategaia Cristina Ibarrola izango dela aureratu aurretik.
Modu horretan, Mayak udal politikaren lehen lerroa utziko du. Bi alditan izan da Nafarroako hiriburuko alkate: 2011 eta 2015 artean aurrenekoz, eta 2019 eta 2023 artean bigarrenez (Navarra Suma koalizioaren buru).
Iazko azaroan heldu ziren Mayaren hautagaitzaren inguruko lehen zurrumurruak, PSNk zerrendaburua aldatzeko erabakia ezagutarazi zuenean. Mayak, baina, denbora eskatu zuen azken erabakia iragartzeko, gauzak argi ez zituela arrazoituta.
Ibarrola, bestalde, Medikuntzako eta Kirurgiko lizentziaduna da. Sendagile lanetan aritu zen Nafarroako Ospitaleko larrialdi zerbitzuan, baita zenbait osasun zentrotan ere. Mediku lanak utzita, gestio eta politika beharrak egitera igaro zen geroago Nafarroako Gobernuan. Gaur egun UPNren parlamentari da.