Politika -

Bizkaia

Zein egoeratan dago Usansoloren desanexio-prozesua eta zeintzuk dira hurrengo urratsak?

Udalerria sortzeko prozesuak aurrerapausoak ematen jarrai dezake. Horrela, orain Bizkaiko Foru Aldundiari dagokio kudeaketa batzorde bat sortzea, hauteskundeak egin arte udal baten funtzioak beteko dituena.

Usansolok eman beharreko hurrengo urratsak. Argazkia: EITB Media
Usansolok eman beharreko hurrengo urratsak. Argazkia: EITB Media
Usansolok eman beharreko hurrengo urratsak. Argazkia: EITB Media

EITB Media

Whatsapp Facebook Twitter Telegram Email

Bizkaiko Batzar Nagusietan bereizketa onartzeko hartutako erabakiaren ondoren, Espainiako Estatuak helegitea aurkeztu zuen Estatuko Abokatutzaren bidez abenduaren 30ean. Orain, EAEko Justizia Auzitegi Nagusiak Usansolo Galdakaotik bereizteko prozedura etetea ukatu ondoren, zein egoeratan dago desanexioa?

Bada, Espainiako Estatuak bost egun ditu helegitea aurkezteko, eta, horren ostean, Usansoloren desanexioaren aurkako auzia hasiko da.

Bitartean, ordea, udalerria sortzeko prozesuak aurrera egiten jarrai dezake. Horrela, orain Bizkaiko Foru Aldundiari dagokio kudeaketa batzorde bat sortzea, udal baten funtzioak beteko dituena hauteskundeak egin arte, 2023ko maiatzeko hauteskundeetarako Usansolo oraindik ez baita udalerri gisa osatuko.

Gainera, Usansolok toki entitateen erregistroan izena eman beharko du, eta Espainiako Estatuak onartzen duen edo errekurritzen duen ikusi beharko da.

Hau zure interesekoa bada, baliteke beste gai hauek ere izatea
Politika Galdakao Bizkaia Espainiako Gobernua Espainia Eguneko albisteak Albisteak EAEko Auzitegi Nagusia hoy Bizkaiko Foru Aldundia Zer gertatu da gaur Usansolon?