Politika -
Ukrainako gerra
Espainiak sei Leopard tanke bidaliko ditu Ukrainara
Margarita Robles Defentsa ministroak "zuhurtziagatik" ez du zehaztu zenbat arma bidaliko dituzten, baina esan du orain arte 54 bidalketa egin dituztela (42 airez eta gainerakoak lurrez eta itsasoz).
AGENTZIAK | EITB MEDIA
Espainiako Gobernuko Defentsa ministro Margarita Roblesek iragarri du sei Leopard 2A4 tanke bidaliko dituztela Ukrainara, eta, "behar izatekotan" edota "Volodimir Zelenskyren Gobernuak zein NATOk eskatzekotan", gehiago bidaltzeko prest daudela.
Ukrainari emandako laguntza militarraren harira Kongresuan izan duten eztabaidan, Roblesek erantsi du Espainia Leopard tankeak prestatzen ari dela.
Roblesek, baina, "zuhurtziagatik" ez du zehaztu zenbat arma bidaliko dituzten, baina esan du orain arte 54 bidalketa egin dituztela (42 airez eta gainerakoak lurrez eta itsasoz).