Politika -
AUZITEGI NAZIONALA
Fiskaltzak EH Bilduren hautagaitzak iker ditzake ETArekin lotura izateagatik zigortutako 44 pertsona daudelako
Fiskaltzak hartuko du eginbideak irekitzeari edo ez irekitzeari buruzko erabakia, Dignidad y Justicia elkartearen salaketa aztertu ondoren.
EITB MEDIA
Auzitegi Nazionaleko Fiskaltza "ETAko kide izateagatik zigortutako 44 hautagaitza" iker ditzake, Dignidad y Justicia elkartearen salaketa jaso ostean.
Ostiral honetan igorritako prentsa-ohar batean, Fiskaltzak jakinarazi du Diginidad y Justiciak salaketa erregistratu duela eta, aztertu ostean, prozesu aurreko ikerketa-eginbideak irekitzeko edo ez irekitzeko erabakia hartuko dutela.
Bestalde, Fernando Grande-Marlaska Espainiako Barne ministroak gaur Lisboan esan duenez, ETAko kide izateagatik zigortutako hautagaiak Bilduren zerrendetan sartzea "demokrazia gutxiestea" da, eta bereziki "terrorismoaren biktimei kalte larria egitea".