Politika -
Kode penalaren erreforma
Erreforma arazoak ezkutatzeko iragartzea leporatu dio PSOEk PPri
Nazioarteko Harremanetako eta Autonomia Politikarako idazkariak Gobernuari Zigor Kodearen erreforma “inorekin hitz egin gabe” proposatu izana aurpegiratu dio.
Erredakzioa
Antonio Hernando Nazioarteko Harremanetako eta Autonomia Politikarako idazkariak Gobernuari Zigor Kodearen erreforma "inorekin hitz egin gabe" eta "PPren barne arazoak ezkutatzeko" proposatu izana aurpegiratu dio.
Buru sozialistak ohar batean azaldu duenez, Gobernuak gaur proposatutakoa "oso larria" da, "Uribetxebarria auziak PPn eragin duen zatiketa geldiarazteko egin duelako".
Hernandok PP "muturreko sektorearengatik" eramaten uztea deitoratu du, horren garrantzitsua den Zigor Kodearen erreforma egin nahi izatean. Halaber, Alberto Ruiz-Gallardon Justizia ministroak "bere muturreko eskuineko aurpegia erakustera itzuli" dela nabarmendu du.
Buruzagi sozialistak Rajoyk "beroan" horrelako gai delikatuak legeztatzea gaitzetsi du, eta "gizartea astintzen" dutela gaineratu du.
Bere ustez, "ez da ez unerik ez modurik onena" erreforma honi aurre egiteko.
