Politika -
Polizia operazioa
Pertsona bat atxilotu dute Balmasedan, 'kale borroka' egotzita
Martxoaren 29ko greba orokorrean autobus baten azpietan lehergailu bat jarri izana egozten dio Ertzaintzak.
Erredakzioa
Ertzaintzak 24 urteko mutil bat atxilotu du gaur goizean Balmasedan (Bizkaia), kale indarkeria ekintzekin lotura duelakoan.
Herrizaingo Sailak azaldu duenez, 'kale borroka' ekintza Lanestosa herrian (Bizkaia) jazo zen, greba eguneko lehen orduetan.
Lehergailua, baina, ez zen lehertu, eta Polizia autonomikoak indargabetu egin zuen.
MIAKETAK
Atxilotu ostean, ertzainek hiru miaketa egin dituzte, tartean atxilotutakoaren etxebizitzan.
Atxilotutakoa (24 urtekoa eta Balmasedako bizilaguna) polizia-etxera eraman dute, Auzitegi Nazionalaren esku noiz utziko zain.
