Politika -
Atxiloketak
Bizkaian atxilotutako lau lagunek gaur deklaratuko dute ANean
Azken asteetan kale borrokaren areagotze bat eman da, batez ere asteburu gauetan. Azken kasua Abadiñon gertatu zen, ezezagun batzuek kutxazain biri sua eman ziotenean.
Erredakzioa
Santiago Pedraz Auzitegi Nazionaleko epaileak astearte honetan hartuko die deklarazioa joan den asteburuan Basaurin atxilotutako lau gazteei. Bizkaiko telefono errepikagailu bati eraso egin behar ziotenean atxilotu zituzten gazteak, iturriek azaldu dutenez.
Guardia Zibilak ezustean harrapatu zituen lau lagunak, Mikel Deunako auzoan (Basauri) kokatutako errepikagailu baten aurka eraso egiteko asmoa zutenean. Miaketa atxiloketen aurrean egin dute eta hura amaitu ostean, Guardia Zibilak hainbat kaxa atera ditu hauen etxeetatik.
Kale borrokaren areagotzea
Azken asteetan kale borrokaren areagotze bat eman da, batez ere asteburu gauetan. Azken kasua Abadiñon gertatu zen, ezezagun batzuek kutxazain biri sua eman ziotenean.
