Politika -
81 urte zituela
Rafa Albisu ETAko sortzaileetako bat hil da
1958an Euskadi Ta Askatasuna izena jarri zioten taldearen sorkuntzan parte hartu zuen Rafa Albisu Ezenarrok. Halaber, 'Mikel Antza' ETAko buruzagiaren aita zen.
Erredakzioa
Rafa Albisu Ezenarro ETAko sortzaileetako bat eta 'Mikel Antza' ETAko buruzagi nagusiaren aita hil da, 81 urte zituela, Naiz.info komunikabide digitalak zabaldu duenez.
Donostian jaioa, Julen Madariagarekin eta Alvarez Enparantza 'Txillardegi'rekin, besteak beste, Ekin taldea sortu zuen 1952an. 1961ean soldadu frankistak zeramatzan tren bat errailetik ateratzen saiatu ziren baina ez zuten lortu. Horren ondorioz, beste hainbat lagunekin atxilotu zuten eta ETAko kideei ezarritako lehen gerra-kontseilu egin zieten. Albisuri 20 urteko espetxe-zigorra ezarri zioten.
Hildakoa Mikel Albisu Iriarte 'Mikel Antza'ren aita zen. Izan ere, Albisu aita 1961ean atxilotu baino aste batzuk lehenago jaio zen 'Antza'. 90ko hamarkadan ETAko aparatu politikoko arduraduna eta, 2004ko urriaren 3an atxilotu arte, ETAko burua izan zen 'Antza'. Gaur egun Frantzian espetxeratuta dago.
