Politika -
Bilera-sortak
EAJ: 'Asko jota datorren astelehenerako erabakiko da gobernu formula'
Bigarren bilera-sorta bat egiteko asmoa dutela adierazi du Andoni Ortuzarrek.
Erredakzioa
EAJk "aste honetan bertan edo asko jota datorren astelehenerako" erabakiko du gobernu formula Andoni Ortuzar EAJren BBBren presidenteak adierazi duenez.
Punto Radio irrati katean egindako elkarrizketa batean esan du bigarren bilera-sorta bat egiteko asmoa dutela eta EAJk alderdiei emandako lan dokumentuaren erantzunen zain daudela gaineratu du.
Bilerak "ongi" atera direla adierazi du eta EAJk ez duela gobernu formularik baztertzen berretsi du. "Denak aztertzeko prest gaude", baina ildo honetan, "ez dugu denen zain egon nahi", zehaztu du.
