EAEko hauteskundeak 2020: EAEko hauteskundeak, uztailaren 12an | EITB Hauteskunde autonomikoak

EAE-ko Hauteskundeak 2020

16:38

EAE-ko Hauteskundeak 2020

I25

2012ko hautetsi jeltzaleen erdiak baino gehiago ez dira orain hautagai

Agentziak | erredakzioa

Urkullu Arabako zerrendaburua da, Erkoreka Bizkaikoa eta Egibar Gipuzkoakoa. Gatzagaetxeberria eta Ortuzar, besteak beste, ez dira hautagai izango aurten.

  • Urkullu lehendakari eta EAJren hautagaia, ekaineko kanpaina-ekitaldi batean. Argazkia: EFE

    Urkullu lehendakari eta EAJren hautagaia, ekaineko kanpaina-ekitaldi batean. Argazkia: EFE

  • Whatsapp
  • Whatsapp
  • telegram
  • Bidali

EAJk berritu ditu 2012ko azaroaren 20ko hauteskundeen ostean legebiltzarkide izan ziren hautetsien erdiak baino gehiago, izan ere, 27 legebiltzarkideetatik 14 ez dira hautagai izango irailaren 25erako.

Aldiz, EAJren oraingo 27 legebiltzarkideekin alderatuta, "berritzea" askoz ere txikiagoa da, 19 hautagai izango direlako eta 8k baino ez ezingo dutelako aurkeztu.

Gaur erregistratu ditu EAJk hautagaitzak, hain zuzen, batzorde nazionalak maiatzean onartutako zerrendak. Arabako, Bizkaiko eta Gipuzkoako zerrenden buru Iñigo Urkullu lehendakaria, Josu Erkoreka Jaurlaritzaren bozeramalea eta Joseba Egibar GBBren buruzagia dira, hurrenez hurren.

Arabako bigarrena Jone Berriozabal legebiltzarkidea izango da; hirugarrena, Estefania Beltran de Heredia Segurtasun sailburua; laugarrena, Luis Javier Telleria; bosgarrena, Ana Oregi eta, seigarrena, Unai Grajales.

Bizkaian, Erkorekaren ondoren, Iñigo Iturrate Legebiltzarreko presidenteordea dago eta, horren ostean, Josune Gorospe, Amaia Arregi, Jon Aiarza, Leizuri Arrizabalaga, Joseba Mirena Zorrilla, David Latxaga eta Gotzone Sagardui.

Gipuzkoan, bigarrena Bakartxo Tejeria da, Legebiltzarreko presidente berriz izateko hautagaia; hirugarrena, Arantza Tapia Ekonomia eta Lehiakortasun sailburua; ondoren, Kerman Orbegozo, Irune Berasaluze, Iñaki Agirre, Garbiñe Mendizabal eta Luke Uribe Etxebarria.

Aurreko zerrendetan egon eta oraingoan egongo ez direnak, besteak beste, Ricardo Gatzagaetxeberria Ogasun eta Finantza sailburua. Hain zuzen, zerrendetan ageri ez diren gainerako sailburuak (Angel Toña, Jon Darpon eta Cristina Uriarte) ez dira sekula hautagai jeltzaleak izan.

Estefania Beltran de Heredia eta Ana Oregi, aldiz, hautagai izango dira berriz ere, 2012ko hauteskundeen ostean hilabete baino ez egon ziren kargurako, alegia, Urkulluk lantaldea osatu zuen arte eta, hortaz, dimisioa eman zuten arte.

Josu Erkoreka eta Arantxa Tapia sailburuak 2016ko hauteskundeetarako hautagai izango dira, baina ez ziren legebiltzarkide izan.

2012ko bozekin alderatuta, gainera, EAJren hainbat izen ez dira berriz ageri zerrendetan, esaterako, Andoni Ortuzar EBBaren presidentea (une horretan Bizkai Buru Batzarreko presidentea zen eta EAJren presidente izendatu zuten, Urkullu lehendakari bihurtu zenean). Horrez gain, Xabier Agirrek orduan Araba Buru Batzarreko presidente eta ahaldun nagusi ohiak kargu guztiei uko egin zien.

 

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena