EAE-ko Hauteskundeak 2024 -
Posta bidezko botoa
Botoa Correosen uzteko epea gaur arte luzatu dute
Berez, atzo amaitu behar zen epea, baina Hauteskunde Batzordeak egun bat luzatzea erabaki du, eta posta bidez bozkatzeko aukera eskatu duten herritarrek egun bat gehiago izango dute horretarako.
agentziak | erredakzioa
Gaur arte luzatu dute igandeko EAEko hauteskundeetan posta bidez bozkatzeko epea, Hauteskunde Batzorde Zentralak hartutako erabakiaren ondorioz.
Berez, atzo, asteazkena, amaitu behar zen boto txartela Correosen uzteko epea, baina orain posta bidez botoa emateko prozedura bete duten herritarrek beste egun bat edukiko dute posta bulegora joateko.
Correoseko bulegoaren ordutegian joan beharko dute boto-emaileek, eta posta zerbitzuak boto-txartela igandean hauteskunde mahaira eramango duela bermatuko du.
Erabakiak igandean Galizian egingo diren hauteskundeei ere eragingo die.
