EAE-ko Hauteskundeak 2024 -

Balorazioak

Iturgaiz: "Ez dugu huts egingo; nazionalismoaren aurrean, alternatiba izango gara"

Legebiltzarkidean, "Konstituzioaren, askatasunaren, Estatutuaren eta Espainiaren batasunaren alde egingo dugu", esan du PP+Cs koalizioko hautagaiak.

Carlos Iturgaiz, hauteskunde-gauean. Argazkia: EFE.
Carlos Iturgaiz, hauteskunde-gauean
Carlos Iturgaizek U-12ko emaitzak baloratu ditu

3:08

Agentziak | Erredakzioa

Whatsapp Facebook Twitter Telegram Email

Carlos Iturgaiz PP+Cs koalizioaren lehendakarigaiak hauteskunde-gauean esan du alderdiak ez diela huts egingo koalizioa babestu dutenei: "Gehiengoa duen indar konstituzionalista izango gara; nazionalismoaren aurrean, alternatiba". Adierazi duenez, Legebiltzarkidean, "Konstituzioaren, askatasunaren, Estatutuaren eta Espainiaren batasunaren alde" egingo du koalizioak.

PPren eta Ciudadanosen arteko koalizioak atzerapen handia izan du. 2016an, PPk bederatzi aulki lortu zituen; orain, aldiz, PP+Cs koalizioak bost eskuratu ditu. Araban, hiru izan ditu, eta Bizkaian eta Gipuzkoan, bana.

Emaitza horiekin, Ciudadanos Legebiltzarrean sartu da, ordezkari bat lortuta; izan ere, Arabako zerrendako hirugarrenak, Jose Manuel Gilek, aulkia erdietsi du. Luis Gordillo Ciudadanos Euskadiko liderrak, aldiz, ez du eskuratu.

"Inkestei garaitu gatzaizkie"

PPko eta Ciudadanoseko jarraitzaileek txalo artean jaso dute Iturgaiz. Hautagaiaren esanetan, koalizioa inkestei garaitu zaie; horietako batzuen arabera, koalizioak bost legebiltzarkide baino gutxiago izango zituen.

Iturgaizek deitoratu du hauteskundeetan abstentzio handia izan dela, eta euskal herritarren ia % 50ek ez dutela botorik eman. "Aztertu beharko da nor den horren erantzulea", esan du, baina argi duela erantsi du gero: "Eusko Jaurlaritza da, eta hori osatzen duten alderdiak, EAJ eta PSE-EE; izan ere, oposizioko alderdiek baino ardura handiagoa dute, herritarren botoa bultzatzeko". Horren esanetan, abstentzio handi horrek eragin du "tamalez gaurtik aurrera Legebiltzarrean % 80 nazionalista eta abertzalea izatea".

Esan duenez, koalizioa "seigarren aulkia" ari da borrokatzen, eta "hauteskunde orokorretan ere borrokatu zen", eta azkenean, Beatriz Fanjulek lortu zuen aulkia, atzerriko botoari esker.

Ciudadanos, bere aldetik, pozik azaldu da PP+Cs koalizioaren emaitzarekin, eta deitoratu du indar nazionalisten gorakada Euskadin eta Galizian. Horren arabera, "historikoa" da Legebiltzarkidean sartzea (2016an ez zuten lortu), eta emaitza "ona" izan duela azpimarratu du.

Hau zure interesekoa bada, baliteke beste gai hauek ere izatea
Politika Gaurko albisteak Bizkaia Gipuzkoako albisteak Araba Eusko Legebiltzarra albisteak Euskal Autonomia Erkidegoa EAEko hauteskundeak Alderdi politikoak bideoak PP Gipuzkoa Zenbat hautagai aurkeztu dira? Euskadiko Ciudadanos Eguneko albisteak Albisteak EiTB Focus albisteak Hauteskundeak Zeintzuk dira azken hauteskunde galdeketak? EAEko hauteskundeak emaitzak minutuz minutu Carlos Iturgaiz