EAEko hauteskundeak 2020: EAEko hauteskundeak, uztailaren 12an | EITB Hauteskunde autonomikoak

EAE-ko Hauteskundeak 2020

13:25

EAE-ko Hauteskundeak 2020

Hauteskundeak

EAJk 'Euskadi berea' dela uste duela esan du PSEk

Erredakzioa

Krisi ekonomikotik ateratzeko Urkulluk proposatzen dituen "esfortzuak" zeintzuk diren azaltzeko eskatu dio EAJri Rodolfo Aresek.

  • Rodolfo Ares.

    Rodolfo Ares Radio Euskadiko elkarrizketa batean. EITB

  • Whatsapp
  • Whatsapp
  • telegram
  • Bidali

Rodolfo Ares Herrizaingo sailburuak EAJ gogor kritikatu du Jaurlaritzaren kudeaketaren aurka egindako adierazpenengatik, eta ildo honetan, EAJren estilo politikoa "Mariano Rajoyk edo AEBetan Tea Partyk egiten dutenaren antzekoa" dela esan du.

EAJk "Euskadi berea" dela uste duela esan du Aresek eta "beste batzuek kudeatzea utzi baino, nahiago du porrotera eramatea", adierazi du EAEko hauteskundeetarako kanpainaurrean.

Iñigo Urkullu EAJko lehendakarigaiak krisitik ateratzeko proposatzen dituen "esfortzuak" zeintzuk diren azaltzeko eskatu du eta "2015. urterako proposatu duen estatus politiko berria burujabetasunaren betiko musika bera da, letra ezberdin batekin", Aresen iritziz.

"Galdutako boterea berreskuratzeko ez du mugarik", adierazi du. Halaber, Urkulluk beste esfortzu batzuk egin beharko direla esan, baina ez dituela zehaztu esan du, horregatik, "zer murriztuko du? Osasuna, Hezkuntza ala gizarte laguntzak?", galdetu du.

Azkenik, behin eta berriro lehendakariak zerga erreforma bat proposatu duela ekarri du gogora, baina Urkullu beti aurka azaldu dela esan du, "orain arte". "Zerga sistema justuago bat izango bagenu, zorra txikiagoa izango litzateke", ondorioztatu du.


Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena