EAE-ko Hauteskundeak 2024 -
Ekitaldia Donostian
'Aske gara': hauteskunde autonomikoetarako UPyDko leloa
Gorka Maneiro alderdi honetako lehendakarigaiak azpimarratu duenez, "UPyD da Euskadiko alternatiba konstituzionalista bakarra".
Erredakzioa
"Aske gara" izango da urriko hauteskunde autonomikoetarako UPyDko leloa. "Herritar bakoitzak Euskadiren etorkizunerako zer nahi duen aske erabakitzeko aukera du, eta hau bere bozaren araberakoa izango da: hona hemen leloarekin esan nahi duguna", adierazi dute UPyDko kideek.
Gorka Maneiro UPyDko lehendakarigaiak hauteskunde-kanpainaren ildo nagusiak aurkeztu ditu Donostiako Haizearen Orrazian. "Lau aukera besterik ez dago", azaldu du Maneirok, "EH Bilduren ETAren nazionalismoa, EAJren nazionalismo zatitzailea, PPren eta PSOEren nazionalismoa eta UPyDren alternatiba konstituzionalista".
Niko Gutierrez hautagaiak adierazi duenez, "nazionalismoaren aurrean ez dugula amore eman nahi erakutsi nahi du gure leloak". "Pentsatzen duguna esateko, terroristak seinalatzeko, hauteskunde etekinak lortzeko terrorismoa pairatu dutenen askatasuna ez saltzeko, Bankiako goi-karguak epailearen aurrera eramateko eta gizarteari gure askatasun asmoa helarazteko aske gara", esan du Gutierrezek.
"Hauteskunde kanpaina latza izango da", azaldu du, "UPyDk ez ditu mitin handirik egingo, eta ez du publizitatean diru kopuru handirik gastatuko". "Hori baino, kaleko kanpaina izango da, hautagaiak kalea izango direlako", aurreratu du Gutierrezek.
