EAEko hauteskundeak 2020: EAEko hauteskundeak, uztailaren 12an | EITB Hauteskunde autonomikoak

EAE-ko Hauteskundeak 2020

18:06

EAE-ko Hauteskundeak 2020

Kanpainaurrea

EAJk 'mundu honetakoak ez diren ideiak' babestea egotzi dio EH Bilduri

Erredakzioa

Kontzertu Ekonomikoa eta "autogobernuaren oinarrizko elementuak" kritikatzea eta "Katalunian Kontzertuaren ahalmena puztu egiten dutela" esatea leporatu dio koalizioari.

  • Euskadi hauteskundeak | Egibarrek Bilduren proposamebak kritikatu ditu

    Egibarrek 'programarik ez edukitzea' leporatu dio Bilduri. Efe.

  • Whatsapp
  • Whatsapp
  • telegram
  • Bidali

Subiranotasun politikoa "aurretik subiranotasun ekonomikoa" lortu gabe posiblea den ala ez argitzeko eskatu dio EH Bilduri Joseba Egibar Gipuzkoako EAJko presidenteak. "Nongo mundu irrealaz ari dira?", galdetu dio Egibarrek bere buruari. Erantzuna jeltzaleak berak eman du: "ezinezko gauzak proposatzen dituzte, badakitelako ez dutela Jaurlaritzako agintea izango".

EAJko zerrendagaiak proposamena egin dio Laura Mintegiri: Gernikako Estatutua agortuta dagoela uste dutenez, euskal herritarrei Kontzertua indargabetzeko "proposatzea" eta, bide batez, "katalanei mezu bera bidaltzea".

Kontzertu barik, "murrizketa barik, mundu guztia zoriontsu izango da", esan du ironiaz Egibarrek. Bere hitzetan, koalizioaren planteamenduak "ez dira mundu honetakoak".

Gobernua, "iparra galduta"

Egibar Gipuzkoako zerrendaburua izango da urriaren 21eko hauteskundeetan, eta Patxi Lopezen Gobernuari ere kritikak egin dizkio. "Iparra galduta" gobernatzen ari dela esan du, aurrekontuen proiektua egin barik eta Finantza Publikoen Euskal Kontseilua bildu barik. Guztia, "datuen berri eman nahi ez dutelako", eta hori, jeltzalearen hitzetan, "arduragabekeria da", gainontrzeko erakundeei eragiten dielako.

Era berean, Bildu Gipuzkoako Aldundian egiten ari den lana aztertu du. Horiek ere, lehendakaria bezala, "programarik ez dutela" salatu du Egibarrek. "Ez dute krisiaren aurkako plan baten beharrik" eta, gainera, "Kontzertu Ekonomikoa eta "autogobernuaren oinarrizko elementuak" kritikatzen dituzte, katalanei Kontzertuaren ahalmenak "puztu" egiten dituztela adierazita.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena