Horrela jarraitu dugu hauteskunde eztabaida eitb.comen

eitb.comek amaitutzat jo du lehendakarigaien hauteskunde eztabaidaren zuzeneko emankizuna.

23:47 Basagoitik esan duenez, Urkullu entzuten duen pentsiodunetatik bat berak ere ezin du "lasai egon". Urkulluk pentsioen gaien inguruan "beldurrik ez sartzeko" erantzun dio.

23:47 Lopezek EAJri murrizketak non egingo dituen galdegin dio berriro ere.

23:40 Hautagaiak eztabaidaren azken txanpan sartu dira

23:40 Navasek esan du liderrak garela haustura sozialean eta Maneirok "hizkuntza-politika osoa aldatzea" proposatzen dutela azaldu du, "astakeria" delako. "Herritar gehienei euskara inposatzen ari zaie", adierazi du.

23:40 Hautagaiek politika sozialei, hezkuntzari eta kulturari buruz eztabaidatzeko ordua da.

23:32 Urkullu: "Ez dadila beldurrik sartu Euskadiren etorkizunarekin. Autogobernua ez zatitzeko moduan ulertzen dugu".

23:32 Lopez: "Memoriarekin egindako bakea merezi dugu".

23:32 Basagoiti: "Nik Espainia bezala izan nahi dut, ez Kroazia bezala".

23:30 Lopez: ‘Independentzia ez da ekonomiaren irtenbidea. Gizartea eta Euskadi hautsiko lituzke".

23:30 Independentzia, eztabaidaren ardatz

23:29 Patxi Lopez: "Bakearen legealdia izan da".

23:24 Urkullu: ‘Euskadin aro berri bati ekin zaio. Ez dago ETAren mehatxurik, eta datorren Legebiltzarrean indar politiko guztiak egon gaitezke".

23:21 Basagoiti: ‘Bizikidetza ETAren terrorismoaren urteei benetako kontaketa jartzea da".

23:21 Laura Mintegik esan du Aieteko Adierazpenetik urtebete pasatu dela, eta ezbaian jarri du "bakea lortzeko nahia ote dagoen".

23:15 Hautagaiek orain independentzia, bizikidetza eta erabakitzeko eskubidea gaiak jorratuko dituzte.

23:13 Lopez: "Fiskalitate justuagoa nahi dut, aurrerakoiagoa, murrizketak egin behar ez izateko".

23:09 Urkullu: ‘Murrizketak proposatzen ditugu, bai, kontrakoa esaten duenak gezurra dio".

23:06 Lopezek Urkulluri: "¿EAJk nondik aterako ditu murriztea pentsatzen duen 1.044 milioiak?"

23:03 Maneiro: "Euskal erakundeen sarea erreformatuta lortuko da Ongizatearen Estatua bermatzea".

23:03 Navas: "Euskadi paradisu fiskala da Europar Batasunaren esparruan".

23:00 Mintegi: "Gipuzkoa mugitzen ari da, enpresekin biltzen ari da, eredu dinamikoak martxan jarri ditu. Fiskalitate aurrerakoia proposatzen dugu, gehien dutenek gehiegi ordaintzea".

22:50 Navas: "Botere ekonomikoa politikari oso lotuta dago. Hau ez da krisia, hau maula da".

22:49 Mintegi: "Krisitik irten ahal gara, baina justizia soziala jarri beharra dago"

22:48 Basagoiti: "Independentziarako bidea bigarren krisia da"

22:48 Lopez: ‘Geure ekonomiaren aldeko apustua egiten badugu, indartuta irtengo gara, murrizketak eginez gero, okerrera egingo dugu".

22:47 Urkullu: ‘Hazkuntza ekonomikoa da geure konpromisoa’

22:45 Lopezek Mintegiri: "Gipuzkoa: erabateko paralisia".

22:42 Basagoiti: "Euskal herritarrek liskarraren alde egiten dugunean horrek ondorioak dituela jakin behar dugu. Ibarretxeren garaian 100.000 gazte Euskaditik joan ziren".

22:38 Mintegik Lopezi: "Gipuzkoako neurriek ez dute enpresek alde egitea eragin".

22:36 Ekonomia eta enpresa gaien inguruan dituzten programak azaltzen ari dira hautagaiak.

22:24 ETAren indarkeria ez gaitzestea leporatu dio Basagoitik Mintegiri.

22:00 Lehendakarigaiak ETBko platoan dira.

21:00  Iñigo Urkullu (EAJ), Patxi Lopez (PSE), Antonio Basagoiti (PP), Laura Mintegi (EH Bildu), Jose Navas (EB) eta Gorka Maneiro (UPyD) aurrez aurre izango dira ETB-2k eta Radio Euskadik eskainiko duten eztabaidan. 

20:30 Sei lehendakarigaien arteko hauteskunde eztabaida lau zati handitan banatuko da: Ekonomia eta enplegua; Fiskalitatea eta gizarte zerbitzuak; esparru juridiko-instituzionala, elkarbizitza eta erabakitzeko eskubidea; Gizarte politikak, hezkuntza eta kultura.

Zati bakoitzean, hautagaiek minutu bateko tartea izango dute gaiaren inguruko iritzia helarazteko. Ondoren, eztabaida hasiko da; atal bakoitzak 12 minutuko tartea izango du. Gai bakoitzeko eztabaidan, parte-hartzaile bakoitzak bi minutu izango ditu nahi bezala banatzeko. Horretarako, kronometro baten eta moderatzailearen laguntza izango dute. Tarte bakoitzaren amaieran, hautagai bakoitzak 30 segundo izango ditu nahi duen azalpena emateko.