Albisteak -
Hauteskunde kanpaina
Euskara 'eskubide osoko hizkuntza' dela babestuko du Ezker Anitzak
Koalizio ezkertiarrak Akitania-Euskadi euroeskualdea ere babestuko duela adierazi du.
Erredakzioa
Ezker Anitza-Iratzarri koalizioak Europako Parlamentuan euskara "eskubide osoko hizkuntza gisa" defendatuko duela azpimarratu du.
Koalizio ezkertiarraren ordezkariak, tartean Leire Martinez Europako hauteskundeetarako hautagaia, Senperen izan dira igande goizean, euskararen eta Iparraldeko ikastolen aldeko Herri Urrats jaian.
Bertan, Ezker Anitza-Iratzarrik Akitania-Euskadi euroeskualdea ere babestuko duela adierazi du, "Iparraldearen eta Euskadiren arteko harremanak sendotzen jarraitzeko".
