Europar Parlamentua berritzeko 2014an egingo diren hauteskundeei buruzko albisteak | EITB Europako Hauteskundeak

Europakoak

17:57

Albisteak

Hauteskunde kanpaina: PP

Almuniak 'La Navalen aurka' egin duela gogoratzea eskatu du Iturgaizek

Erredakzioa

Sozialistak "Euskadiko ontziolen sektorea suntsitzen" saiatu direla salatu du PPko hautagaiak.

  • Carlos Iturgaiz, PPren ekitaldi batean. EiTB

    Carlos Iturgaiz, PPren ekitaldi batean. EiTB

  • Whatsapp
  • Whatsapp
  • telegram
  • Bidali

Carlos Iturgaiz PPren Europako hauteskundeetarako hautagaiak Joaquin Almunia Europako Batzordeko Lehia komisarioaren aurka egin du, eta "ontziolen eta oro har espainiarren interesen aurka" egin duela salatu du.

PPk hauteskunde ekitaldia egin du Erandion (Bizkaia), La Navaleko ontziolen aurrean, eta, bertan, Antonio Lopez Isturiz Europako PPko idazkari nagusia ere izan da.

Iturgaizen esanetan, sozialistek "Espainiako ekonomia hondoratu dute, eta Euskadiko ontziolen sektorea suntsitzen saiatu dira".

"Almuniak La Navalen eta lurralde honetako sektorearen aurka egin du beti", berretsi du.

Hori dela eta, "Almuniak euskal, galiziar eta asturar ontziolen interesen aurka egindakoa gogoratzea" eskatu die boto-emaileei.

Halaber, nazionalistek Espainiarekin lotura "hautsi" nahi dutela eta horrek ere "Europarekin lotura haustea" ekarriko duela ohartarazi du. "Eta Europar Batasunetik kanpo, ontziolak behin betiko hondoratuko lirateke", esan du.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena