Europar Parlamentua berritzeko 2014an egingo diren hauteskundeei buruzko albisteak | EITB Europako Hauteskundeak

Europakoak 2019

20:14

Albisteak

Hauteskunde kanpaina: PP

Damboreneak 'funts arrazistetara itzultzea' egotzi dio EAJri

Erredakzioa

"Dirudienez, gainerakoak ez gara euskal herritarrak; EAJkoak baino ez dira euskal herritarrak", salatu du Bizkaiko PPko presidenteak.

  • PPk Bilbon egindako ekitaldian. EiTB

    PPk Bilbon egindako ekitaldian. EiTB

  • Whatsapp
  • Whatsapp
  • telegram
  • Bidali

Anton Damborenea Bizkaiko PPko presidenteak "funts arrazistetara eta xenofoboetara" itzultzea egotzi dio EAJri, euskal herritarrak "eurak" direla esan baitute kanpainan.

"Dirudienez, gainerakoak ez gara euskal herritarrak; EAJkoak baino ez dira euskal herritarrak", salatu du.

PPk ekitaldia egin du Bilbon, Foru Liburutegiaren aurrean, eta, bertan, Sabino Aranaren ideietara itzulia egitea leporatu die jeltzaleei.

"EAJk beste Europa bat nahi duela esaten du, eta egia da, ez du batasunaren eta elkartasunaren Europa nahi", gaineratu du.

Damboreneak kritikatu egin du Espainiako zein Euskadikp Alderdi Sozialista, eta herritarrei "gezurra" esaten diela ohartarazi du. "Programa eta alternatiba barik aurkeztu da hauteskundeetara, eta Europako sozialistek esandakoaren kontrakoa esaten dute".

Zoe Nubla Europako hauteskundeetarako hautagaiak bozkatzera joateko deia egin die gazteei. Izan ere, biharamunean "beste batzuek hartuko dituzte erabakiak".

Dena dela, euren "kezka" euskal herritarrak edo espainiarrak ote diren baino gehiago, ikasketak lana edota etxebizitza bada, PPren alde bozkatzea eskatu die.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena