Europar Parlamentua berritzeko 2014an egingo diren hauteskundeei buruzko albisteak | EITB Europako Hauteskundeak

Europakoak 2019

23:03

Albisteak

Hauteskunde kanpaina

Sozialistek eta eskuinak koalizioa egingo dutela dio Ezker Anitzak

Erredakzioa

Sozialistek eta kontserbadoreek boterea euren artean banatuko dutela salatu du koalizio ezkertiarrak.

  • Ezker Anitza-Iratzarri, Altzan. EiTB

    Ezker Anitza-Iratzarri, Altzan. EiTB

  • Whatsapp
  • Whatsapp
  • telegram
  • Bidali

Ezker Anitza-Iratzarrik salatu egin du Europako hauteskundeen ostean sozialistek eta kontserbadoreek Europako Batzordeko karguak euren artean banatuko dituztela.

Koalizio ezkertiarrak ekitaldia egin du Donostia, Altza auzoan, eta, bertan, balizko koalizio horren berri Angela Merkel Alemaniako kantzilerrak berak eman duela aipatu du Iñigo Martinez Zaton hautagaiak.

"Betidanik esan dugu horrelako zerbait gertatuko dela", ziurtatu du hautagaiak, eta, horregatik, Ezker Anitza-Iratzarriren alde bozkatzeko deia egin du.

"Europan eta Espainiako Estatuan nagusi diren bi alderdiek ordezkatzen duten botere kontserbadoreari aurre egingo dion kontraboterea eraiki behar dugu, ezin dugu onartu langileei bizkarra emanez eta finantza botereen mesedetan gobernatzen jarrai dezaten", azpimarratu du.

Bestalde, Martinezek Josu Bergara Sestaoko alkatearen hitzak hizpide hartu eta errefusatu egin ditu.

"Gaur dimisiorik ematen ez badu, orduan EAJri galdetu behar zaio bere kideen artean ekintza eta komentario arrazistak baimentzen jarraituko duen", esan du.

"Guk nahi dugun Europan jarrera horiek ez dute lekurik. Guztiontzako Europa eta Sestao nahi ditugu, politika publiko barne hartzaileak eta bizi baldintzak duinak posible eginez guztiok lekua izan dezagun. Ez dugu onartuko langileak zatitu eta arrazakeria bultzatzearen estrategia zahar hori", adierazi du Martinezek.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena