Subiranotasun prozesua 'indartuta' atera da, ERCren arabera

ERCren arabera, subiranotasun prozesua "indartuta" azaldu da Europako hauteskundeen emaitzei erreparatuz. Lehen aldiz, Katalunian irabazle izan da alderdia eta ez dute argitu nahi izan Generalitateko Gobernuan sartuko ote diren.

Josep Maria Terricabras Europako hauteskundeetarako hautagaiak igandeko hauteskundeen emaitzen balorazio oso positiboa egin du baina, ez denez alderdiko militantea, ez du CiUrekin (Gobernuan dagoen alderdiarekin) ustez izaten ari diren kontaktuei buruz hitz egin nahi.

Terricabras hedabideekin izan da ERCren batzordea bildu ostean. Governean sartzea edo ez errepublikazaleen zuzendariei dagokiela uste du eta prentsaurrekoan ez da buruzagi bakar bat ere izan.

Horrela, ez du aurreratu Oriol Junqueras ERCko buruzagia eta Artur Mas CiUkoa, hauteskundeetako emaitzen harira hitz egiteko aukera izan duten ala ez, baina lehenak aurreratu zuen gobernuaren oreka instituzionala bermatzen jarraituko duela.