Hauteskunde Orokorrak -
Hauteskunde Batzordea
Ostiralera arte luzatu dute postaz botoa emateko epea
Correosek eskatuta, Hauteskunde Batzordeak ostiraleko 14:00ak arte luzatu du posta bidez botoa emateko epea.
AGENTZIAK | ERREDAKZIOA
Posta bidez bozkatzea eskatu zuten herritarrek botoa emateko epea ostiralera arte (14:00) luzatzea erabaki du Hauteskunde Batzordeak.
Correosek egin du epea luzatzeko eskaera, besteak beste, Hauteskunde Batzordeak posta bidez bozkatu ahal izatea eskatzeko epea joan den ostiralera arte luzatzea erabaki zuenez, dokumentazioa helarazteko denbora gehiago behar dutela argudiatuta.
Alabaina, badira beste arrazoi batzuk ere, hala nola, hauteskundeak Gabonetako kanpainarekin bat egin duela, posta bidez bozkatzeko eskaera k % 14ko hazkundea izan duela eta abenduaren 17an Correosen hauteskunde sindikalak dituztela. Horren guztiaren ondorioz denbora gehiago behar dutela adierazi dute.
