AEBko hauteskundeak 2020: Azaroak 3, legegintzarako hauteskundeak AEBn | EITB Hauteskundeak AEB

AEB-ko HAUTESKUNDEAK

14:10

AEB-ko HAUTESKUNDEAK

Hollywood, Obamarekin

Natalie Portman eta Scarlett Johansson, Obamaren kanpainan

Erredakzioa

Gaur gaueko hitzaldian egingo duten agerraldian, Obamaren kanpainaren aniztasuna sustatuko dute aktoreek: izan ere, Portman judua da, eta Johansson, etorkinen alaba.

  • Natalie Portman eta Scarlett Johansson aktoreak. Argazkia: EFE

    Natalie Portman eta Scarlett Johansson aktoreak. Argazkia: EFE

  • Whatsapp
  • Whatsapp
  • telegram
  • Bidali

Natalie Portman, Scarlett Johansson eta Kerry Washington aktoreek Barack Obama babestuko dute gaur, presidenteak eskainiko duen kanpainako hitzaldirik garrantzitsuenean. Egitarau ofiziala ezagutzera eman ez duten arren, iturri ofizialek hiru aktoreak gaur gaueko ekitaldian izango direla berretsi dute.

Johanssonek, Portmanek eta Washingtonek behin baino gehiagotan adierazi dute Obamaren aldekoak direla. Gainera, emakumeentzako eta hautesle gazteenentzako erakargarri bikaina dira. Obamak bi talde horien babesa beharko du hauteskundeak irabazteko. Foo Fighters taldeak ere emanaldia eskainiko du gaur gauean.

Gaur gaueko hitzaldian egingo duten agerraldian, Obamaren kanpainaren aniztasuna sustatuko dute aktoreek: izan ere, Portman judua, Johansson etorkinen alaba eta Washington afroamerikarra dira.

Hala ere, ez dira Obamaren kanpaina babestuko duten pertsona ospetsu bakarrak izango. Aste honetan bertan, Jeff Bridgesek kontzertua eskaini zuen bere taldearekin, Charlotteko bilerako jaialdian. Horrez gain, Eva Longoriak, Cristina Saralegui aurkezleak eta Jessica Sanchez abeslariak ere hautesle hispaniarrak erakarriko dituzte.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena