11:48

Udal eta Foru Hauteskundeak

Krisia Ahal Dugu Euskadin

Iratxe Osinagak, Ahal Dugu Euskadiko bigarrenak, dimisioa eman du

EITB.EUS

Herritar kontseiluko ordezkariak argudiatu duenez, “ez dator bat alderdiaren programarekin”.

01:52
  • Whatsapp
  • Whatsapp
  • telegram
  • Bidali

Iratxe Osinagak, Ahal Dugu Euskadi alderdiko bigarrenak, dimisioa aurkeztu du eta alderdi politikoa utziko duela iragarri du. Udal eta foru hauteskundeak izateko hilabete falta denean, alderdiaren programarekin bat ez datorrela adierazi du Osinagak.

Ahal Dugu Euskadi alderdian orain arte bigarrena zenak prentsaurrekoan baieztatu duenez, Roberto Uriartek zuzentzen duen alderdiko zuzendaritzarekin dituen desadostasunengatik utzi du alderdia.

Alderdiaren programa errespetatzen duela esan du, “gehiengoak onartu eta bozkatu” duelako, baina horrekin ez datorrela bat adierazi du, eta beraz, ezin duela herritarren aurrean defendatu. “Errealitatea ikusteko beste modu bat dut”, esan du eta dimisioa bere buruarekiko koherentziarengatik aurkeztu duela gaineratu du.

Alderdiarekin izandako desadostasunen inguruko azalpenik ez du eman nahi izan Osinagak, programa ez baita oraindik ezagutzera eman.  Beste pertsona batzuk proiektua “indarrez” defendatuko dutela uste du Osinagak.

Dimisioa aurkeztu bitartean Ahal Dugu Euskadi alderdiko bigarrena zenak adierazi duenez, idatziz eman du ezagutzera bere dimisioa. Roberto Uriarteri eta herritar kontseiluari posta elektronikoa eta telegrama igorri dizkiela zehaztu du.

Familiak eta alderdiko lagunek emandako laguntza eta babesa ere eskertu ditu Iratxe Osinagak.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena