Prestaketa

Igor Zalakainek txerri sahieski errea eztiarekin proposatu du:

Txerri saiheskia hartu eta banan-banan moztu eta gatzatu. Eztia soja saltsarekin nahastu (sei goilarakada soja saltsako, 3 goilarakada ezti), eta horrekin igurtzi sahieski zatiak. Labean jarri (210º, 30 minutuz). Erretzen ari den bitartean, noizean behin berriz igurtzi. Ateratzerakoan sesamo haziak bota.

Pili Manterolak saltsa berezi bat prestatu du:

Litro erdi ekilore olio epeldu. Sutatik ateratzean ozpina gehitu, eta soja saltsa bota. Ondoren, oraindik hoztu gabe dagoela, piper hauts gorria bota. Dena nahastuta eta hoztuta dagoenean, litro erdi ezti bota. Ongi nahastu.

Saltsa hau ongi etorriko zaio oilasko hego frijituak, otarrainskak (egosiak edo salteatuak) edo olagarroa bustitzeko.