Joseba Tapiak, Bixente Martinezek eta Ruper Ordorikak osatzen duen hirukoteak kontzertua eskaini zuen Bilbon, Arriaga antzokian, Loraldiak antolatu zuen "Mila esker, Jonan Ordorika" soinu teknikaria zenaren omenezko emanaldian.

"Mo, behi euskaldun baten memoriak" komikian oinarritutako erakusketa Iruñean, Nafarroako Liburutegian, egongo da ikusgai, maiatzaren 10era arte.

Sara Fantova zinemagilearen lehen film luzea Malagako zinema-jaialdiko Sail Ofizialean lehiatuko da, martxoaren 14tik 23ra. Olaia Aguayo da Jone pelikulan, eta Josean Bengoetxea aktoreak ere hartu du parte EITBren parte-hartzea duen filmean.

Ama hil berri zaion neska gazte batek bere bizitzaren antz handia duen film bat ikusiko du zineman. "Morlaix" da Jaime Rosalesek zuzendutako azken filmaren izenburua. Maitasun istorio labur, sutsu eta asaldagarri bat.

Joker liburu-dendak Javier de Isusiren "Goizero" gomendatzen du. Harrera-familia programa espezializatuak duen garrantziaz dihardu. Astiberrik argitaratu eta Nekane Gonzalez Gerrikok euskaratu duen komikia pisu emozional handiko lana da.

Martxoaren 14an, La Dramática Errante konpainiak "Yerma" lana aurkeztuko du Bergarako Seminarixoa aretoan. Seme-alabak biologikoki izateko ezintasunari buruzko antzezlana da, emakume askoren isilpeko errealitatea mahai gainean jartzen duena.

Izaki Gardenak bueltan da. 6 urte igaro dira euren aurreko diskoa argitaratu zutenetik. "Orube" izeneko lan berriarekin datoz bueltan. Laugarren lan honetan soinu berriak bilatu badituzte ere, beren estiloari eutsi diote. Martxoaren 16an Oñatiko Gaztelekuan aurkeztuko dute.